مجلة نظرة بعمق أول مجلة عربية متخصصة فى هندسة الاتصالات والالكترونيات

بسم الله الرحمن الرحيم

السلام عليكم ورحمة الله وبركاته

ازيكم يابشمهندسين ؟

النهاردة انا جايب لحضراتكم اول هدية منى لكم بخصوص قدوم شهر رمضان المبارك فاللهم بلغنا رمضان وأعنا على صيامه وقيامه وتقبل يارب العالمين .

النهاردة انا جايب اول مجلة عربية متخصصة فى هندسة الاتصالات وبجد تعبت جدا جدا جدا علشان اعملها وأخرجها بالشكل ده وياريت تعذرونى لو فيها اى مشكلة او مش كويسة أو لأن عدد صفحاتها قليل فهذه أول تجربة لى كما انى اردت ان انهيها بأسرع شكل ممكن قبل دخول شهر رمضان المبارك .

المجلة طبعا ليست مجانية والمقابل لها هو الدعاء لى من القلب بالمغفرة والرحمة والدعاء لى بأن اجد وظيفة تكون حلال وتكون وظيفة كويسة مناسبة لى .

المجلة احترت فى تسميتها ولكنى سميتها فى الآخر باسم المدونة حتى يكونوا مرتبطين ببعض وايضا لأننا ننظر بعمق الى جميع المجالات داخل التخخص بتاعنا .

المجلة هاتكون بصفة عامة مقسمة الى عدة أقسام :

- الغلاف

- كلمة رئيس التحرير

- الفهرس

- دروس فى هندسة الاتصالات 

- استراحة ( وبها كاريكاتير وبعض معلومات هل تعلم كمعلومات عامة مفيدة ان شاء الله )

- استكمال دروس الاتصالات

-دروس فى الالكترونيات

- تنمية بشرية

- الخاتمة

وستختلف من كل اصدار لآخر باللمواضيع .

وأخيرا أرجو ممن يستطيع ان يساعدنى فى المجلة وانا يشارك فيها فليتفضل معى حتى ننجع هذه المجلة لكى تكون مرجع الى كل دارسى او متخصصى هندسة الاتصالات فى وطننا العربى . كما أرجو ان يعلق الجميع على المجلة ولو فى اى اقتراح ياريت يتم اقتراحه .

وبصراحة انا زعلان من كل من يدخل المدونة مش علشان محدش بيعلق ويتناقش وساعات باشعر انى بشرح لنفسى , لكنى لأن مفيش حد كتب اى كومنت باقتراح او مساعدة فى الموضوع السابق اللى اعلنت فيه عن المجلة . وياريت أشوف ارآئكم هذه المرة :) .

لتحميل المجلة

العدد الأول من مجلة نظرة بعمق