الأحد، 7 أغسطس، 2011

مفاجأة : أول فيديو عربى يشرح كورس LTE او الجيل الرابع من الاتصالات الخلوية

بسم الله الرحمن الرحيم

السلام عليكم ورحمة الله وبركاته

ازيكم جميعا ؟
النهاردة هاكمل معاكم الهدايا اللى بقدمها لحضراتكم على مدونتى ( مدونة نظرة بعمق ) بخصوص شهر رمضان المبارك , أعاده الله عز وجل علينا بالخير واليمن والبركات .

النهاردة انا جايبلكم المفاجآة التى أخبرتكم بها فى الفيديو الآخير من كورس GPRS وهى فيديو مقدمة أو مدخل لكورس LTE والفيديو طويل شوية تقريبا ساعة وثلث ( 1.20 ) وتم شرح مقدمة عن LTE وخصائصه ومميزاته واهى التقنيات المستخدمة فيه . 
 كما تم شرح شبكة الـ LTE والمكونات والعناصر التى بها وتوضيح وظيفة كل عنصر . كما تم شرح التقنيات الحديثة التى تم استخدامها فى الجيل الرابع من الاتصالات الخلوية LTE مثل تقنية OFDMA و تقنية SC-FDMA وكما تم ايضا شرح تقنية MIMO بأنواعها كمقدمة سريعة لها .

كما تم فى نهاية الفيديو عمل مقارنة سريعة بين النظامين LTE و WiMAX حتى يتضح للجميع الفروقات الرئيسية بين النظامين .
وأرجو من الله عز وجل وياريت تدعوا لى ايضا ان يعننى الله عز وجل على ان استطيع شرح  كورس LTE كله ان شاء الله .

طبعا المقابل لهذه الفيديو هو الدعاء لى بالمغفرة والرحمة والهداية وأن يرزقنى الله عز وجل بوظيفة محترمة وحلال .

يمكنكم تحميل الفيديو من الرابط التالى :

مقدمة فى الجيل الرابع من الاتصالات الخلوية LTE 

أو يمكنكم مشاهدة الفيديو على اليوتيوب 



ملحووظة :

آسف جدا يابشمهندسين فعند مراجعتى للفيديو الآن وجدت بعض الآخطاء البسيطة فاعذرونى فكل البشر يسهون ( وجل من لا يسهو )

32 comments:

غير معرف يقول...

الله عليك يا بشمهندس محمود
الله يجعله من ميزان حسناتك

Mahmoud zezo يقول...

ربنا يبارك فيك يابشمهندس

غير معرف يقول...

انا مش عارفه اشكرك ازاى والله يا بشمهندس
انا فى حاجه اوى للكورس ده لانى ناويه يبقى مشروع تخرجى
ربنا يجعله فى ميزان حسناتك

Mahmoud zezo يقول...

ربنا يعينك ويوفقك ان شاء الله ولو احتجتى اى مساعدة انا موجود والمدونة موجودة :) .
ربنا يبارك فيكى

دبالي لحسن يقول...

ربنا يوفقك يا استادنا الحبيب
شكرا لك وجزاك الله عنا خير الجزاء

غير معرف يقول...

مشككككوووووووووووووووور اوى يا بشمهندس والله مجهود رائع كنت عاوز اسأل سؤال هوة انت هتكمل مورس ال umts ام لا وشكراااا

المهندس أمجد الحباشنه يقول...

الف شكر أخي العزيز... كل الاحترام لجهودك و دعوة من القلب لك بالتوفيق ... كلي ثقة بان المستقبل امامك .

أخوك من الاردن
المهندس أمجد الحباشنه

Mahmoud zezo يقول...

شكرا لكم وبارك الله فيك يابشمهندس أمجد

غير معرف يقول...

مشكووووووووووووور جدا جدا والله يبارك فيك ويزيدك من علمه وان شاء الله انو يعينك على تكملة جميع الكورسات
والله يا مهندس محمود انك انسان رائع وان شاء الله ان يجعله في ميزان حسناتك وان يكتب لك المغفرة والرحمة...

Mahmoud zezo يقول...

شكرا لك يابشمهندس
بارك الله فيك

غير معرف يقول...

السلام عليكم

اشكرك جزيلا اخى محمود وارجو منك انت تستمر فى هذا العمل الرائع
جزاك الله خيرا و فتح عليك ابواب الرزق و بارك لك فى اهلك ومالك و زريتك .

اخوك ابراهيم حاتم - السودان - التقينا سابقا فى منتدى القرية الالكترونية على موضوعك ( كورس GSM )

Mahmoud zezo يقول...

وجزاك مثله ان شاء الله يابشمهندس ابراهين
واهلا بك وبكل الاشقاء من السودان الشقيق

عبدالرحمن يقول...

يا بشمهندس كنت عاوزك الاول تشرح ال umts عشان انت قولت فى درس ال lte لازم تكون فاهم gsm ,gprs وumts ف الاول اشرح umts وبعد كدة كمل lte و انا من رائى تعمل استطلاع على المدونة وانا شايف اننا نمشى بنظام عشان نفيد الناس كلها وطبعاا فى الاول والاخر الرئى النهائى ليك

Mahmoud zezo يقول...

وانا متفق مع كلامك يابشمهندس عبدالرحمن
وانا مقولتش انى هاشرح كورس LTE بس انا شرحت الفيديو المقدمة ده علشان فى ناس كتير بتعمل مشروع فيه وبتبقى تايهه فى الاول ومش بيبقوا عارفين يبدأوا منين فحبيت اعمله لتوضيح الامور فقط .

وبالنسبة لكورس UMTS فأنا ناوى اشرحه ان شاء الله ولكن ياريت تعذرونى لأنى مشتت تماما حاليا مابين أكثر من تخصص لأنى مازالت ابحث عن عمل ولكن عند استقرار الامور فى أقرب وقت ان شاء الله هاشرح كورس الجيل الثالث ان شاء الله .
بالتوفيق للجميع ان شاء الله .

عبدالرحمن يقول...

ربنا معااااااك يا بشمهندس ويكرمك بأذن الله .....

عبدالرحمن يقول...

صحيح كل سنة وانت طيب وكل الاعضاء بخير

Mahmoud zezo يقول...

وحضرتك بالصحة والسلامة
كل سنة وانت طيب وكل المسلمين بخير

غير معرف يقول...

تحياتي مهندس محمود
اين اجد الفيدوهات لدوره GSM ؟

غير معرف يقول...

مشكوووووووووور بس حدرتك مدتشى umts علشان ننتقل ل 3g مرة واحدة بس كتر خيرك وان كان ينفع فيديو عن ال umts بجد يبقى كده اشطة اوى

Mahmoud zezo يقول...

ان شاء الله هايبقى فى شرح للجيل الثالث لو عمر ان شاء الله
بس حاليا انا متوقف تماما عن اى حاجة نظرا للظروف اللى بمر بها
بالتوفيق للجميع ان شاء الله

غير معرف يقول...

لو سمحتى يا بشمهندس الفديو امتداده swf ومش لاقيه برنامج يشغل الامتداد ده

sami يقول...

i could not download the file anyone help me please

Mahmoud zezo يقول...

الملف يمكنك ان تشاهدة على برنامج media player classic
أو من خلال المتصفح .

المهندس سامى الرابط شغال تمام

ابراهيم يقول...

مجهود رائع يابشمهندس وفعلا انا اشتغلت فى مجال الاتصالات وكنت حزين على دور المهندس اللى هو يعتبر فنى وليس له اى خبره مطلفا ولا احد يشارك لان مثل هذه المعلومات القيمه لايملك ها المهندسين الذين يعملون لعشرات السنين او اكثر لا يوجد اى فكره عندهم حتى على الgsm ربنا يشد من اذرهم امين ويوفقك الى مفيه الخير

غير معرف يقول...

السلام عليكم ورحمة الله وبركاته

مشكور أخي على هذا الشرح.

أنا لدي سؤال:

كيف يمكن حساب

Power per subcarrier or Power per Resource Block

على فرض أن Transmit power =43dbm

أتمنى أن أجد الجواب

ولكم جزيل الشكر

Mahmoud zezo يقول...

شكرا لك بشمهندس ابراهيم
وفعلا عندك حق للاسف المهندسين لا يهتموا بتطوير معلوماتهم

*********************************

يمكنك حسابها من المعادلة الاتية يبشمهندس
10log(A/B)
حيث
A هى قيمة الباور المرسلة بالواط وهنا ستكون 20W
b هى قيمة عدد sub-carriers

jozeef alshami يقول...

اعتقد ان الرابط لم يعد شغال واتمنى ان استطيع ان احمل هذا الفيديو ولك جزيل الشكر اخوي

mahmoud Abdel-Aziz يقول...

يمكنك تحميل الفديو من على اليوتيوب

غير معرف يقول...

جزاك الله خير

3MElectron يقول...

يا بشمهندس ممكن شرح فيدوهات لل CDMA و UMTS انا دورت كتير و مش لاقى

غير معرف يقول...

لو سمحت يا بشمهندس حضرتك كنت قولت قبل كده انه هتنزل مشروعك ال LTE على المدونه فين المشروع انا مش لاقيه خالص ممكن تنزل لينك تحميل المشروع تانى من فضلك ؟؟

نور يقول...

جزاك الله خير يا بشمهندس
بس هل فى اى فيديوهات بتشرح ال 3G نقدر نستفاد منها انا دورت كتير مش لقيت فياريت لو حد يفدنا
او لو فى ملف بيشرحة بالعربى علشان نقدر نستفيد من كل التفاصيل فى الكورس

إرسال تعليق