نبدأ على بركة الله

بسم الله الرحمن الرحيم

نبدأ على بركة الله هذه التدوينة الخاصة بى

يااااااااه اخيرا قررت انى ابقى مدون وليا المدونة الخاصة بى

دى كانت اخر حاجة افكر فيها على فكرة بس لقيت نفسى انى ﻻزم اشارك افكارى مع كل الناس اللى حواليا وكمان علشان مش قادر اكتب بحرية اكتر او اقول رأى بحرية اكتر فى المنتديات وببقى حاسس انى مقيد بروتين عبيط محطوط فى كل منتدى

علشان كده ياجماعة بدأت ادون

وممكن تلاقوا انى ضعيف شوية فى التدوين ^_^ بس اعذرونى فى اﻻول علشان لسه طبعا اول مرة فى حياتى ادون وكده

هههههههه

بس انا مستغرب ليه فى ناس كتير مش بتحب التدوين وزى ماقولتلكم انا كنت منهم

بس اكتشفت بعد كده ان التدوين شىء جميل جدا وممكن اى شخص يعمل مدونة ويضيف عليها اللى هو عاوزه

بس فى مشكلة هى ايه بقى

ان لو كل واحد عمل مدونة هاتلاقى كل واحد عامله مدونه خاصة بيه ومحدش بعد كده هايدخل عند حد علشان يقول فكرة

ههههههههههه

بس طبعا دى حلها ان مش اى تدوينه بتتعمل

اى نعم كل واحد ممكن يدون بس ياترى هو هايدون ايه

ﻻزم يكون كويس فى الحاجة اللى هو هايدون عنها وياسلام لو فى تخصصه او فى هوايته هاتبقى مدونة كويسة

علشان كده ممكن تلاقى ناس كتير بتدون مدونات ومحدش يعرف عنها حاجة علشان المدونة مفيش فيها الجديد او مفيش فيها اللى الناس بتدور عليه

وانتظرونى فى التدوينة اللى جاية علشان هايبقى فيها مفاجأة ان شاء الله