شرح عملية Channel Encoder فى الجيل الثانى GSM

بسم الله الرحمن الرحيم

السلام عليكم ورحمة الله وبركاته

النهاردة هانكمل مع بعض شرح Channel Encoder ان شاء الله

طبعا احنا عارفين انان بنبعت الاشارة بتاعتنا فى وسط مليان بالـ Noise و Interference واحنا عارفين كمان اننا بنبعت الاشارة بتاعتنا مضغوطة اصلا وبالتالى اى فقد او خطأ هايأثر جامد على الاشارة بتاعتنا وممكن يشوهها وبالتالى لازم نعمل عملية درسناها بالتفصيل فى مادة الاتصالات فى الكلية وهى عملية Error Detection and Correction حيث نقوم باضافة مجموعة من البيتات تسمى Redundancy Bits علشان نعرف نكتشف الخطأ ونصلحه فى الاشارة المستقبلة وهى دى وظيفة Channel Encoder الرئيسية .

احنا فى الجيل الثانى GSM بنستخدم نوعين فى هذه العملية وهما : 

1 - Block Coder

بيقوم بعمل Error Detection عن طريق اضافة 3 bits الى الاشارة وبنسميهم Parity Check Bits علشان نعرف نكتشف هل حصل خطأ ولا لأ وحصل فين .

2 - Convolutional Coder

يقوم بعمل Error Correction للاشارة المستقبلة لو حصل اى خطأ فيها .

وقبل ان نقوم بادخال الاشارة عليه نقوم بتقسيم الداتا الى 3 انواع :

أ - Very Important Data وهى دى القسم الاكر فى الـ Power وهى اهم بتتات فى الاشارة المرسلة ودى 50 bits .

ب - Important Data ودى البيتات الاقل اهمية ودى 132 bits .

جـ - Non Important Data  ودى البيتات الاقل أهمية فى الاشارة ودى 78 bits .

نقوم بادخال القسم ( أ ) او البتتات الآكثر اهمية اولا على Block encoder ثم نقوم بادخالهم على  Convolutional encoder مع القسمين الاخريين كما هو موضح بالشكل :

وكما نلاحظ بيتم اضافة 4 bits اضافيين يسموا tail bits وهى عبارة عن 0000 وهى المسئولة عن تصفير Convolutional Coder وارجاعة الى حالته Initial State مرة أخرى .

أرجو انى أكون وضحت لحضراتكم كلا من Channel Encoder وايضا Speech encoder كما طلب بعض المهندسين .

وبالتوفيق للجميع ان شاء الله .

السلام عليكم ورحمة الله وبركاته

المصادر للصور :

** جوجل .

** ملفات المهندس وليد الصافورى ( جيليكوم ) فبارك الله فيه .